::منتديات قناديل الفكر والادب ::

::منتديات قناديل الفكر والادب :: (http://www.kanadeelfkr.com/vb/index.php)
-   قناديل شعر العامية (http://www.kanadeelfkr.com/vb/forumdisplay.php?f=14)
-   -   أبوطبلة ....المسحراتى (http://www.kanadeelfkr.com/vb/showthread.php?t=47510)

أحمد إبراهيم أحمد 05-26-2019 09:17 AM

رد: أبوطبلة ....المسحراتى
 
الحلقة السادسة عشر:

مسحراتى ع القدس رايح
مليان روايح من عهد سابق
لافيه ضغينة
البيت بيجمع اديان تلاتة
الذكر يحلا ويا المدايح
من باب عامود لباب خليل
الحق ساطع من غير دليل
دى اراضى عارفة ولمين صاحبها


والطبل طبلى
وانا لما طاب لى
دقيت طبولى
كما حد قبلى

أحمد إبراهيم أحمد 05-28-2019 10:12 AM

رد: أبوطبلة ....المسحراتى
 
الحلقة السابعة عشر:

مسحراتى وراح زمانى الزم مكانى
ومعايا طبلى
علمت ياما مليون علامة
من اللى قبلى
اسمع حروفى تصرخ ف وادى
ماعرفت اعادى
حتى اللى كاره
افضل اسامح رغم انى لامح
حروف مريضة
وانسى النوبادى
مسحراتى
انا قلبى صافى لاعرفت اجافى
ونية صادقة من عند ربى
اطلع ياطبلى
رقق وقول
يمكن عقول
الخلق تفهم
منا راح زمانى
بالزم مكانى
ومعايا طبلى

أحمد إبراهيم أحمد 06-02-2019 12:35 PM

رد: أبوطبلة ....المسحراتى
 
الحلقة الثامنة عشر

مسحراتى وحوارى عارفة
وسامعه طبلى بدون مجازفة
ادق دقة وانده لناسى
انده لمسعد
باللا يامسعد لم الكراسى
لا القعدة تنفع فوق القهاوى
دى حقيقة كاشفة
وافهم كلامى
مسحراتى....
جوة الكفور
من نجع لما ابعد مكان
من عزبة ولا من الديوان
اصحى يانايم شم النسايم
دا ريح بلدنا بالمسك داير
عطر وجودك واحمى حدودك
من غير ملاسنة ولا شتايم

أحمد إبراهيم أحمد 06-02-2019 12:37 PM

رد: أبوطبلة ....المسحراتى
 
الحلقة التاسعة عشر:

صبرى معايا ومعايا قولى
وبعقد لولى
ناظم كلامى
باعت سلامى
لمن عرفنى
اصحى ياغافل
العمر راحل
هى مراحل
ولابد تصحى
امسح همومك
وافرح بيومك
اصل اللى عدا
ولايوم هايرجع
الذكرى توجع
لكن ولازم تحلف ماترجع
واصحى ياغافل


الساعة الآن 06:21 AM.

Powered by vBulletin® Version 3.8.4
Copyright ©2000 - 2019, Jelsoft Enterprises Ltd.

Security by AOLO

vEhdaa4.0 by vAnDa ©2010