الموضوع: علشان عيونك
عرض مشاركة واحدة
قديم 01-09-2019, 09:33 AM رقم المشاركة : 1
معلومات العضو
شاعر

الصورة الرمزية محمود جمعة
إحصائية العضو






محمود جمعة is on a distinguished road

محمود جمعة غير متواجد حالياً

 


المنتدى : قناديل شعر العامية
افتراضي علشان عيونك

علشان عيونك
شط أحلامي الأخير
وبقيت بدونك
زي حلم بدون مصير
بأكتب بآخر
نقطة في حبر الزمن
محتاج لحبك
إحتياج الشمس ف عيون
الأسير
..
علشان قابلتك
والليالي مروحة
والحزن ماسك
بين صوابعه مسبحة
طلعت عيونك
فجر متحني بحنان
خلت ورود ماتت
ف روحي
مفتحة
..
علشان أنا مسجون
ف حزن الانتظار
مستني روح العشق
بين جنة ونار
كتبت شفايفك ع الغيوم
نزل المطر
يزرع ف ظلك سنبلة
تطرح نهار
..
علشان بحبك
قلت للدنيا تعيد
عمر الحنين الطفل
يبدأ من جديد
يرسم علي شريان حياتي
بسمتك
وعلي جبينك صورة
الحلم البعيد
...

علشان بحبك
شفت أسمك فوق جبين
كل البنات
كل الضفاير والشفايف
والايشاربات
والتوكات
كل العيون اللي ف طريقي
نورها
واخداه من عنيكي
كل الجمال اللي ف تاريخ
العشق
في كتابك آيات
..
علشان زمان الغربة
عن نفسي طويل
وبقى الخروج من بحر
وجعي
مستحيل
مدت عينيكي للغريق
عشق النجاة
فردت حنانها شراع
ورقتها سبيل







التوقيع

محمود جمعة

***



يُصارعُ لَهْفِي
عليكِ اصْطبارِي
ويثلجُ ماءَالحياةِ اكتوائِي
وعيناكِ وعدٌ
كبنتِ الربيعِ
وجِسمُكِ هذاالفتيّ الانطوائِي
فأيّ الفريقينِ
يومَ التقْينا
سيُدخلُ عصفورةً في دِمائِي

رد مع اقتباس