تـــــخاريف صــــايم

راجع من الشغل الساعة 5ز2 ظهرا

والشمس ضاربة فى نافوخى

عقلى ساح وتساقط مع حبات العرق على قمبصى الذى لا معالم له

يكاد يفارقنى لولا البنطلون الذى حبس بداخلة

بنطلون ايه دا ها يقع وانا ماشى اتكعبل فيه

والحزمة اشتكت من التراب اللى عليها حتى انى نسيت كان لونها ايه ؟

لسانى اتدلدل شبرين من شدة الحر والصيام

وشكلى كدا ابتديت تخاريف صيام


******


تخاريف صيام(1)........


يااااااااااااااااااااااااااااااه


وصلت البيت ولقيت الولاد قاعدين امام التليفزيون

ماسكين الريموت وبيحولوا القنوات

يا سلااااااااااااااااااااااااااااااام...... عجبتنى الفكرة قوى قوى


تخيلوا لو الواحد معاه ريموت لحياته ........... يقدم فيها ويأخر زى ما هو عاوز


براحته خالص


أنا عن نفسى أكيد هاخد بعضى وأروح لأسعد لحظات حياتى...... أيام طفولتى

الواحد كده فاضى ومفيش وراه حاجة خالص غير إنه يلعب ويتبسط وبس


أقعد طول النهار ألعب مع إصحابى وآخر النهار أحكم على أبويا إنه يودينى الجنينة .....

بس لو دوست على زرار التقديم فى الريموت شوية صغيرين هتشوفونى وأنا قايم الساعة سبعة الصبح عشان المدرسة وغلب المدرسة


وكله بالجزمة يا عزيزى


وألا أيام الثانوية العامة بقى....... يا سلااااااااااااااااااام


كانت أيام سودة ......... الواحد يقعد قدام المذكرات مش عارف أولها من آخرها


وآخر السنة يجيلى امتحان أحياء فيه أسئلة غريبة كده مش عارف الجدع إللى كتبها جايبها منين

سهر وكرب وغلب ما بعده غلب


عشان كده يا جماعة فكرة الريموت فى حياتنا لا غنى عنها إطلاقا


تخيل إنك تجيب أجمل وأسعد لقطة فى حياتك وتقعد تكررها وتعيد وتزيد فيها........

وبالتصوير البطيئ كمان


أنا ناوى برضه أضغط على زرار التقديم شوية لقدام وأشوف نفسى بعد 15 سنة مثلا


لو ملقيتش نفسى راكب عربية ليموزين يبقى هضغط على زرار الرجوع فى الريموت وهثبت اللقطة على حاجة كويسة


أيوه يابا.......... يانعيش عيشة فل ........ يانموت إحنا الكل


أصل كل واحد فينا له لقطة فى حياته بيتمنى يرجعلها ولقطة تانية بيتمنى يوصلها


وأكيد برضه فيه لقطة مهببة بتبقى عاوز تعديها بسرعة


لأن الإنسان ميقدرش يعيش من غير أمل


سواء أمل فى الغد ....أو أمل فى الهروب من امبارح


هو ده الفرق بيننا وبين الحيوانات


و..........أنا شكلى طولت عليكم وزهقتكم


بس قولولى ها تخرفوا معايا

ولا ها تسيبونى اخرف لوحدى ؟؟


ملطوش مع بعض التعديلات

لأ خرَّف خرَّف يامجدي لوحدك بقى
سيبنا إحنا نقرا ونتمتع بتخاريفك بس

بصراحة كنت هاخرَّف معاك بس حكاية الكونترول دي خوفتني خالص

ليه بقى ؟
حقلك ياسيدي .

مرَّة كنت ماسك الكونترول وبقلب في صفحات عمري ..ورحت رجعت لورا كتير قوي
كنت أيام زمان ولد شقي وكان أبويا الله يبارك فيه قاسي علي َّ شويَّة .
وفي مرة من المرَّات راح ماسكني بشرب مية ولسه ماجاش موعد الإفطار
وراح ياسيدي مديني علقة وهيي يامجدي مش علقة بالعقل
المهم وأنا ماسك الكونترول دست على زر التعديل راح اصبعي للزر الغلط وثبت الصورة
رحت دست بقى على زر التقديم ...مافيش
تأخير لورا .. مفيش

الله حصل إيه
تعالوا فكوني أنا باكل في علقة ومش علقة بالسهل بقى
ببساطة كده :

اتعطب الكونترول ..أو خلصت البطاريات وفضلت ساعتين لغاية الإفطار وأنا بفكر بالعلقة دي .

مجدي الحبيب :
هذه من تخاريفي فاقبلها مشاركة ً لك

كن بخير وسلام
مودتي

ابدعت أ/ ايمن ابوراس

واتمنى ان ارى توقيعك فى موضوعى المتواضع

واتمنى ان ارى احد يخرف معى اهو بقى كلنا صايمين


لما كنت فى الابتدائيه

كنت بصوم لحد العصر وممكن قبل العصر لو مفيش حد واخد باله منى اكل اشرب

واقول انا صايم امى عرفت قالت لى انت فاكر ان ربنا مش شايفك لا ربنا شايفك

وانت بتدحك على نفسك وبعدها بيومين جعان عطشان وواقف ابص فى السمأ

وخايف اشرب ربنا يشوفنى وماشى فى الشارع بدور على مكان استخبى فيه

علشان اشرب علشان ربنا مش يشوفنى معلش بقى عيل ومش فاهم حاجه

وكان كل همى انى ابعد عن المكان الى فيه سمأ علشان ربنا مش يشوفنى

جريت على البيت على الثلاجه ومسكت زجاجه الميه وارفع ياريس وبعدها

قعدت مريض يومين ياترى علشان شربت؟ لا علشان الزجاجه الى شربت منها كانت خل

كتبها لكم مجدى محمد من جانب كشك عم عبدو