في حضرة العمدة (7)
جمعة..
جمعة بحالها يا عمدة!
ولا بتسأل عليّ ولا بتودي رد جواب
ده ولا حتى ابن خالي أبو زيد الهلالي سأل
هي دي آخرة العشرة والملح والعيش اللي بنا
أنا كان عشمي فيكو كبير قوي
بس دي الوقت زي راس الدبوس في العتمة
جمعة تحت الماء وابعت رسالة ولا كإنو كان
إيه؟..
كنت بتنفس الزاي ونا تحت المية؟
وبتسأل ليه يا عمدة؟
مانت كنت حاسبني مت وخلاص..
ولا نا غلطان؟
متفاجئ تاريك!
كنت بتنفس الزاي يعني؟!
بالقصبة..
القصبة الهوائية..
مش جدنا إبن النفيس سماها كديه؟
القصبة اللي تصفر لما الريح تلامسها
وتغرغر لما الروح تطلع منها
وتخلي البق ينطق بالكلمة..
والناي يلعلع بالنغمة..
ومش قصبة وبس
قصب كتير..
والهوا يحب يلعّب القصب
لازمك تجرب ياعمدة تحت المية شكلو إيه
إنت بعديها حتشوف الدنيا حلوة قوي
وتفهم..
تفهم حجات
حجات ماقدرش اشرحهالك
تجرب بنفسك وتفهم لنفسك
خلاص أنا دلوقت جربت
وفهمت خلاص
القصب كلو كلمني وقلي
لا ماقدرش أقول...
القصبة رجليها في الطين و المية وراسها في الهوا وبتقول حجات..
وقالتلي
ونا قلتلها
وفهمتني ونا فهمت
بس أجمل كلام تقولو القصبة بعد النار ما تلمسها
كلام يسحرك وينسيك
ينسيك حتى أعز أصحابك
علشان كدة أنا تحت الماء ما نسيتكش يا عمدة
لسه فاكرك
ولسه قصبات المية بيفكروني بيفكروني
إحنا مالنا ومال النار ياعمدة
الجنة ما فيهاش نار
إنت تشتهي الطير مشوي ينزل مشوي
ولا حتى نار الغيرة فيها.
سلام..
سلام ياعمدة!
07-12-2018, 03:45 PM
شيندال في حضرة العمدة (7)
الأعضاء الذين قرأو الموضوع :- 4
العرض العادي
