رباعية

انا كنت راجل ف حالي وبارتضي سكاتى
حاولوا ف يوم اغتيالي ويخوضوا ف سكاتى
جيت لك براية امل ودخلت يوم ....خانك
عارفاني من سحنتي ولاكنت يوم... خانك
ازاي هاترضي المهانة وادى السنين بتمر
لاشبعت يوم م الامل وانا لسه ف سكاتي

وناس بتلف ع الفاضي بلامعنى
وناس بالكدب توجعنا
وناس تاهت ف دنيا ضلال
لابتحس اللي كان فينا
ولابتداوى اوجاعنا

يمشي كلامك عليا وادى روحى ليكي هدية
عاوزك بكل ابتسامتك وتكونى دايما عفية
ثوري وعدى الهوايل دا عهدنا المتصان
ارفع جبينك وريتك وتعيشي مصر القوية

ما أجملها من رباعيات أخي المبدع أحمد إبراهيم
أتابعها
و أثبتها للمتابعة اليومية و المشاركة
مع خالص الود و التقدير و أجمل الترحيب

اقتباس : المشاركة الأصلية كتبت بواسطة د. جمال مرسي [ مشاهدة المشاركة ]

ما أجملها من رباعيات أخي المبدع أحمد إبراهيم أتابعها و أثبتها للمتابعة اليومية و المشاركة مع خالص الود و التقدير و أجمل الترحيب

أشكرك
استاذنا الفاضل د جمال
علي المرور الكريم
وعلي شرف تثبيت النص
كل شكري لك
أحمد ابراهيم

خطاويكى دمعه معاندة تكوينى
انا جيت معايا امل
طب ليه تصدينى
راسمك ف ضلة شجر
وف بسمة للولاد
مش كان مابينا ميعاد
طب ليه تخالفيني

تحية تقدير لهذا الإبداع الوارف
مرحبا بهذا الشعر...و صوت وطن..يأتي من على شط الترعة
و من ضلة الجميزة...و كام ورقة توت...لساها في رصيدنا
عاش شعرٌ يحكي حب الوطن

اقتباس : المشاركة الأصلية كتبت بواسطة أحمد إبراهيم أحمد [ مشاهدة المشاركة ]

خطاويكى دمعه معاندة تكوينى انا جيت معايا امل طب ليه تصدينى راسمك ف ضلة شجر وف بسمة للولاد مش كان مابينا ميعاد طب ليه تخالفيني

كم من ميعاد عددتلي..و الوقت يمر
و انتظرتك سنين... من الزمان المر
تلومني على صبري
تعاتب فيّا عمري
و أنا اللي اليأس من أملي
اتعلم يشوف الحلو في المر

عذرا أستاذنا الكبير
فلستُ من العارفين في أمور البحور و الأوزان
لكني أكتب انفعالا ببعض المواقف و كذلك الحروف
تقبل تطفلي هنا
و كامل احترامي

من النهارة انتي الحبيبة والوطن
وانتي السكن وانتي الزمن والناس
وانتي ف كلام ربنا
بيصحصح الاحساس
وانتي الدروب العقية
بتزلزلى كل المحن
وبتوجديلنا اساس