آخر 10 مشاركات
حكاية/ م ع الرباوي (الكاتـب : - مشاركات : 8 - المشاهدات : 229 - الوقت: 01:59 PM - التاريخ: 11-21-2018)           »          ضوء جهاد بدران على قصيدة/عرّج على قاف/ للشاعر توفيق الخطيب (الكاتـب : - مشاركات : 0 - المشاهدات : 4 - الوقت: 12:13 PM - التاريخ: 11-21-2018)           »          حَبَنْظَل بَظاظا 3 (الكاتـب : - مشاركات : 8 - المشاهدات : 263 - الوقت: 12:11 PM - التاريخ: 11-21-2018)           »          بماذا تفكر الآن ؟ (الكاتـب : - آخر مشاركة : - مشاركات : 788 - المشاهدات : 24021 - الوقت: 10:21 AM - التاريخ: 11-21-2018)           »          (( وا حَرَّ قلبي منكِ يا وعدُ )) (الكاتـب : - آخر مشاركة : - مشاركات : 2 - المشاهدات : 59 - الوقت: 03:05 AM - التاريخ: 11-21-2018)           »          ربيع المولد :: شعر :: صبري الصبري (الكاتـب : - آخر مشاركة : - مشاركات : 3 - المشاهدات : 67 - الوقت: 02:51 AM - التاريخ: 11-21-2018)           »          تَصديقٌ بالشعرِ على حُبِّ المتنبي (الكاتـب : - آخر مشاركة : - مشاركات : 11 - المشاهدات : 359 - الوقت: 02:37 AM - التاريخ: 11-21-2018)           »          مولد النور / شعر جمال مرسي / كل عام و أنتم بخير (الكاتـب : - آخر مشاركة : - مشاركات : 3 - المشاهدات : 81 - الوقت: 02:12 AM - التاريخ: 11-21-2018)           »          مســـأبقة من هدي النبوة 1440هجرية (الكاتـب : - مشاركات : 15 - المشاهدات : 319 - الوقت: 07:37 PM - التاريخ: 11-20-2018)           »          خربشات على الماء (الكاتـب : - مشاركات : 476 - المشاهدات : 24857 - الوقت: 04:59 PM - التاريخ: 11-20-2018)




ديوان الشاعر د.جمال مرسي

دواوين شعراء العامية


إضافة رد
قديم 01-11-2015, 05:46 PM رقم المشاركة : 21
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

أنا نازل أقول صوتي




أنا نازززل أقول صوتي
و لو كان في النزول موتي
عشان بكره اللي شايفه جميل
عشان الشعب و الأزهر و نهر النيل
انا نازل بدون تأثير و لا تسييس
عشان يصبح لمصر رئيس
يصونها و يحمي تاريخها بأمر الله
و لا يهزه حقير و خسيس
أنا نازل عشان تفضل كرامتنا
عزيزه و فووووق
عشان أمني و لقمة عيش و حرية
و شعبي الذووووق
دا أنا العطشان و طال بعدي
و حبك أغلى شيء عندي
يا ست الحسن يا بلدي



25/5/2014م







التوقيع

رد مع اقتباس
قديم 01-11-2015, 05:47 PM رقم المشاركة : 22
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

ميم / صاد / راء


( ميم ) ( صاد ) و ( ره ) دا رسمها
من يوم ما ربك حطها
فوق الخريطة
و خطها
في كتاب ملان بالمعجزات .
( ميم ) ( صاد) و ( ره ) دا إسمها
بتردده الناس كلها
و بتكتبه بكل اللغات .
و لا يوم تغير جلدها
أو طبعها
أو دمها
من يوم ما ربك قال لها :
كوني
فكانت جنته
من خلق آدم للممات .
أما اللي شايف إنها :
( ماااسِرْ ) أكيد مش منّها
و لا عمره حس بحسنها
و لا شاف أصالة شعبها
أو داق حلاوة حبها
و لا يوم جرى النيل النبيل في عروق أبوهْ .
و ان تسألوه
يسخر كما ( الخواااااجات ) من الذكر المبين .
( ادخلوها آمنين )
و لا عمره يعرف يعني إيه معنى الوطن
آآآآه يا زمن
بقى مصر تصبح ( ماااسْرْ )
ياااه على شرعكم
يللي ظلمتم نفسكم
و لا بتشوفوش غير تحت رجليكم و بس
طب بس هسْ .
دي حبيبتي عاوزه تنام و تحلم باللي جاي
و اللي جاي أكيد هيبقى
أحلى و احلى م. اللي فاااات .







التوقيع

رد مع اقتباس
قديم 01-11-2015, 05:48 PM رقم المشاركة : 23
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

مين اللي سرق البهية ؟



مش ح. قول العدل مات
و لاّ انقضى .
أو أشكك في النيابه
و القضا .
يمكن اقبل حكم قاضي
صوته جلجل ف. الودان
غصب كان
أو بالرضا .
يمكن أسكت
رغم غيظي
و نومي فوق جمر الغضا .
بس ح. سأل :
بالسذاجة و البراءة
لما إبليس البريء يطلع براءة
يبقى مين قتل الشهيد ؟
مين سرق مصر البهيهْ و حط ف. اديها الحديد
مين زرع فيها الفساد في اللي مضى ؟
غير ملاك جايلنا طاير
م. الفضا ؟؟!!







التوقيع

رد مع اقتباس
قديم 01-11-2015, 05:48 PM رقم المشاركة : 24
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

القلب الكبير

( إلى كل وطني يحب تراب هذا الوطن الغالي )


الله عليك
يا رب بارك لي ف. عنيك
غالب على غلب الزمان
ياسين بهيه بتناديك
بصيت لصورتك
شوفت قلب كبير قوي
جواه مداين
ترتوي
من نهر حبك ، من ايديك
و شوُفت أبويا
شُوفت أخويا
شوفت جندي في الميدان
شايل سلاحه ضد طغيان الزمان
و شوفت واتا
طير يغني فوق غصونك
صبح عيد .
شيئ أكيد
أصل القلوب تخضرّْ للناس الحبايب
و اما تشتد الكروب
بتكون حديد
شامخ بتكتب كلمتك
و لا تنسى عمرك أمتك
معرفش ليه القلب حبك
و انفتح لك من زمان
جايز عشان
شوفت في عنيك شط الأمان
أو شوفت فيك نيل مصر يجري
و الهرم
و القدس ساكنه في الضلوع
ما بتنهزم
رغم الصهاينة الأمريكان
رغم الجراح و النزف في الوطن الحبيب
شوفت الأمل
مزروع في عينك يا بطل
بيقول شموس الحق مش ممكن تغيب
طبعا شموس الحق مش ممكن تغيب
ما دام بناخد حقنا بإيدنا اليمين
و ما دام معانا ربنا
و بلادنا بتشيلها العيون







التوقيع

رد مع اقتباس
قديم 01-11-2015, 05:49 PM رقم المشاركة : 25
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

عكاز حلم



عمري ما فكرت يوم إني أخونِكْ
جوه نني العين تمللي كنت أصونك
و اما بحت بسر قلبي و انتِ قلبي
شوفت فوق صفحة كتابنا من جنونك
***
كنت اقرّب ليكي لكن تبعديني
زي حلم العمر يسكن جوا عيني
كنت اغمض لجل اشوفه ورده بيضا
التقيه مني بيهرب و يجافيني
***
و اما كنتِ ف. ليله تبكي بالدموع
كنت اجيلك ، قلبي متقاد لك شموع
امسح الدمعه اللي فوق خدك بتجري
لجلك انتِ يللي ساكنه في الضلوع
***
هي دي العشره اللي بينّا و الموده
إننا نقضّي الي فاضل في المناهده ؟
دا انت نص العمر ، لأْ ، أكثر و أكتر
و اللي باقي خديه و فوقه ألف ورده
***
يا حبيبتي يللي إسمك جنب إسمي
يللي دمك كان بيجري ويّا دمي
و اما عرق يسيل ما بعرف مين بينزف
و اسألي العرق اللي نازف جوه جسمي
***
سهم حبك من زمان ف. القلب صابني
و التقيت قلبي اللي نازف .. ليكِ جابني
نظره واحده من عنيك طيبتني
بس هجرك خدني وسط النار و سابني
***
و النهارده لوحدي بالقلب العليلْ
بمشي و اعرج في طريق الألف ميل
كنتِ عكازي اللي بتعكز عليه
شكلي باين فوقت م. الحلم الجميل







التوقيع

رد مع اقتباس
قديم 01-11-2015, 05:54 PM رقم المشاركة : 26
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

القصر العالي



" إلى صديقي الذي أفتقده كثيرا و أدعو له بالسلامة د. عمر هزاع "


ليه مش عارف ؟!
طول اليوم إسمك على بالي
صورتك قدام عيني شايفها زي فراشه
لما أقربّ منها امسكها
تهرب مني
علشان تسكن جوه النني
و اقفل جفني عليها و اغمض
علشان تفضل ساكنه خيالي
ليه مش عارف ؟!
يمكن علشان حلم امبارح
اللي قلقني و غير حالي
شوفتك فيه فارس و حصانك كان كراسك
قلمك سيف لكن حطيته في غمد احساسك
مش قادر تتحرك خطوه
علشان أهلك و عشان ناسك
عارف إن الكلمه ف. " زورك " واقفه
و راجفه
و نفسها تطلع
بس حايشها عيون بتدمّع
كانت " مِنّهْ "
قلب أبوها و صاحبي الغالي .
عارف إن النار حواليك بركان طغيان
بركان ظالم
دبّ أجيجه في كل مكان .
لكن علشان إنت الفارس
قلت ف. سرّك :
ربي الحارس
ايه هيفيد تعليم و مدارس
لو ما فديت بيها الأوطان .
فجأة لقيتك
في الحلم اللي قلقني امبارح
غارز سيفك في البركان
قمت بعيني أبص عليك
فلقيت صورتك ماليه خيالي
توبك أبيض
وشّك زي البدر ملالي
ساكن فووووووق
في القصر العالي







التوقيع

رد مع اقتباس
قديم 01-11-2015, 05:55 PM رقم المشاركة : 27
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

نعم يا مصر للدستور



بعلو الصوتْ
هقول أيوه .
و من قلبي هقولها .. نعم
و عمري ما اخاف من النبوت
عشان بلدي .. و لا ابقى صنم .
هقول أيوه
ما عادش سكووووت
و هرفع في سماها علمْ
علم بلدي اللي مش هتموت
و أفدي أرضها بالدم
و مش ممكن أكون سلبي
عشان يا خلق دا واجبي
عشان بكره اللي عاوزينه
أمان
و رخاء
و عِزة
و سِلمْ .
بكل الشوق .. هعلّم فوق
حروف من نور
بيبدأ ضيّها بالنون
و هفتح عين و اسكّن ميم
و اقول يا حبيبي يا دستورْ
و هشطب من قاموسي ( لااااااام )
و أي كلام
يخالف نبض شعب جسورْ
عشان بكره و أولادي
هقولها : نعم
عشان ترجع لي أمجادي
هقولها : نعم
عشان زادي و زوّادي
هقولها : نعم
عشان ما نحب بعضينا
و ترجع مصرنا لينا
عشان نيلها اللي ف. عروقي
هقولها يا خلق من شوقي
و اسجلها
حروف من نور
نعم يا مصر للدستور







التوقيع

رد مع اقتباس
قديم 01-11-2015, 05:56 PM رقم المشاركة : 28
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

فهمناها


فهمناها
عرفناها
و حسينا بمعناها
و لما جينا مره نقول
نسيناها
سكتنا عن كلام قلبين ساعتها كانوا بيدقوا
بصوت عالي
و عقل كبير كان اتقسّم ما بين اتنين
يعيش عالم كبير مجنون
يطير مرة عشان يلمس فضاء الكون
و مرة ينزله برجه اللي كان عالي
لعالم بالأسى مسكون
يبات يحلم
ببكره جديد ما فيهش هموم
و لا دمعه بتتمخطر ف. نني العين
و يفضل حلمه مستني على باب قلب كان مقفول
و فجأة يسمع التليفون
يقول له بسرعه يللا انزل
عشان واحد هناك في شارع العشاق
لقوه مقتول







التوقيع

رد مع اقتباس
قديم 01-11-2015, 05:56 PM رقم المشاركة : 29
معلومات العضو
قلب يحبكم جميعا

الصورة الرمزية د. جمال مرسي
إحصائية العضو






د. جمال مرسي تم تعطيل التقييم

د. جمال مرسي متواجد حالياً

 


كاتب الموضوع : راضيةالعرفاوي المنتدى : دواوين شعراء العامية
افتراضي رد: ديوان الشاعر د.جمال مرسي

جمعة النصر



هو ده الشعب الحقيقي
اللي عرفني طريقي
اللي عرفني عدوي من صديقي
هي دي مصر اللي قالت
ألف لأه للخيانه
للجماعه المفتريه بكدبها و هيَّ الجبانه
فاكره إن الشعب راح يسكت عليها
في الجوامع و الكنايس
في الشوارع و المدارس
فاكره إن الجيش هيركع لجل ما يطبطب عليها
و ان شرطتنا اللي صاحيه
غمضت عنهم عنيها
فاكره لما تقيدها نار
أو تخليها دمار
يبقى راح تقلبها فوضى ف. كل دار
فاكره إن الدين بتاعها لوحدها
و ان جبريل م. السما
كان جاي بوحي الله يأيد خطوها
أو يأيد كل خاين
باع ترابها بالدولاااارْ .
الشيطان وسوس لها
إن مرسي المنقذ الحامي الأمين
للي ما في عنده دين
طب و رب الكون يا عالم
همَّ حبة أغبيا
دينّا في قلوبنا الكبيرة دين أصيل
عمرنا ما كنّا عنه يوم نميل
أصلنا الشعب الجميل
اللي عمره ما عاش ذليل
للطغاه من عهد أحمس للتتار
حتى في عهد ( الحمار)
.. اللي أهله لسه عايشين في الضلال ..
كنا شعب حديد و نار
يلللي ما بتقروا التاريخ اقروه بقى
و اتعلموا
بس افهموا
لو باقيلكم جوه راسكم ربع مخ لتندموا
مصر باقيه غصب عنكم
مهما فيها تحرقوا
تقتلوا أو تسرقوا
و النتيجة ...
جمعة الحسم اللي قلتم جمعة النصر المبين
كانت الجمعه اللي تشهد
إنكم يا مهزومين
خدتوا فيها خازوق متين







التوقيع

رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
الأعضاء الذين قرأو الموضوع :- 15
, , , , , , , , , , , ,
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر د.جمال مرسي راضيةالعرفاوي دواوين شعراء العمودي و التفعيلي 216 05-19-2015 08:02 AM
جمال الوفاء ( مهداة لأستاذي الشاعر الكبير الدكتور جمال مرسي ) محمد سمير السحار قناديل الشعر العمودي و التفعيلي 8 10-14-2014 12:00 AM
ثمة قناديل../ نبضي..إلى الشاعر كمال أبو سلمى و الشاعر د جمال مرسي/ حصريا هنا.. سعاد ميلي قناديل قصيدة النثر 22 08-05-2011 07:56 PM
ديوان الشاعر د.جمال مرسي راضيةالعرفاوي دواوين شعراء النثر 8 06-25-2011 07:34 AM
ثمة قناديل../ نبضي..إلى الشاعر كمال أبو سلمى و الشاعر د جمال مرسي/ حصريا هنا.. سعاد ميلي مهرجان القناديل 16 08-11-2009 02:34 PM


Loading...


:: الإعلانات النصيه ::

روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه
روابط نصيه روابط نصيه روابط نصيه روابط نصيه روابط نصيه


Powered by vBulletin® Version 3.8.4
Copyright ©2000 - 2018, Jelsoft Enterprises Ltd.

Security by AOLO
vEhdaa4.0 by vAnDa ©2010